Bjólfur, fjall, 1085 m hátt, við fjarðarbotninn. Heitir eftir Bjólfi landnámsmanni sem fyrstur tók sér bólfestu í Seyðisfirði. Í fjallinu á að hafa verið hof að fornu. Snjó– og aurflóð hafa oft fallið úr hinum snarbröttu fjöllum er umkringja bæinn. Snjóflóðavarnargarður er ofarlega í Bjólfinum. Frábært útsýni er af útsýnispöllum yfir bæinn. Jeppavegur er þangað ofan við Neðri–Staf, opinn frá miðjum júní.