Gásir eða Gæsir, skammt innan við Hörgárósa. Þar var í fornöld og fram eftir öldum mesta siglingahöfn á Norðurlandi og verslunrstaður. Þar eru rústir miklar vallgrónar, nú friðaðar. Undanfarin ár hefur farið fram uppröftur þar og árið 2003 fannst m.a. hests– eða drekahöfuð skorið út í tönn eða horn sem talið er frá 13. eða 14. öld. Einnig fundust rústir næststærstu kirkju sem grafin hefur verið upp hér á landi. Útflutningur á brennisteini var frá Gásum en nú er talið mögulegt að verslun á staðnum hafi staðið allt þar til kaupmenn hófu að versla á Akureyri um 1550. Höfnin á Gásum ónýttist af framburði Hörgár og fluttist þá verslunin til Akureyrar.