Geitastekkur, bær í Hörðudal, heitir Bjarmaland síðan 1765. Við Geitastekk kenndi sig Árni Magnússon, einn víðförlasti Íslendingur á 18. öld, fór m.a. til Danmerkur Grænlands, Frakklands, Rússlands og Kína. Hann skrifaði endurminningar sínar sem birst hafa bæði á dönsku og íslensku. Þar segir frá ferðum hans og margháttuðum ævintýrum en þær eru auk þess hin merkasta aldarfarslýsing. Hann sótti heim fjórar heimsálfur og gerðist síðan barnakennari í Danmörku.