Grundarfjörður, kauptún við samnefndan fjörð, hét áður Grafarnes.
Kauphöfn á tímum einokunar, kaupstaðaréttindi 1787–1807 og 1816–36; eftir það löggiltur verslunarstaður.
Aðalatvinnuvegir; útgerð og fiskvinnsla.
Kirkja, sögusafn og sundlaug.
Við Grundarfjarðarhöfn var árið 2003 afhjúpað listaverkið Dáð eftir Árna Johnsen til minningar um að 50 ár voru liðin frá því að Edda GK sökk í Grundarfirði.
Skipverjum var bjargað um borð í nótabát sem strandaði við bæinn Suður–Bár í austanverðum firðinum. 8 af 17 mönnum komust af en fjölskyldan á bænum átti stóran þátt í að bjarga og hjúkra. Verkið er einnig minnisvarði um hetjudáð sjómanna.