Helgafell, lágt fell, 73 m, en ber hátt yfir sléttuna. Á því höfðu fornmenn helgi mikla og hugðust deyja í fellið.
Uppi á því er lítil tótt. Þar segir sögnin að menn fái þrjár óskir uppfylltar ef gengið hefur verið á fellið frá leiði Guðrúnar Ósvífursdóttur án þess að líta aftur eða mæla orð og bera fram óskirnar í hljóði inni í byrginu á fellinu og snúa í austur. Auk þess verða óskirnar að vera góðs hugar og engum sagðar.
Á fellinu er hringsjá.
Sunnan undir fellinu samnefndur bær, kirkjustaður, fyrrum prestssetur og frægur sögustaður. Þar bjó í fornöld Snorri goði og síðar Guðrún Ósvífursdóttir, er leiði hennar sýnt þar.
Klaustur var þar frá 1184 til siðaskipta, auðugt að löndum og lausafé.
Voru þar haldnar bókabrennur af siðaskiptamönnum.