Hörðudalur, syðstur dala í Dalasýslu. Um hann rennur Hörðudalsá. Dalurinn klofnar í Vífilsdal og Laugardal. Neðst í Laugardal var sundlaug hjá eyðibýlinu Laugum. Engin kirkja er í Hörðudalshreppi og mun aldrei hafa verið og er slíkt allóvenjulegt. Kirkjusókn eiga Hörðdælingar að Snóksdal sem er í Miðdalahreppi. Hálfkirkja var á Hrafnabjörgum og Dunk, ennfremur voru bænhús í hreppnum. Reið– og jeppavegur er úr Laugardal um Sópandaskarð suður í Langavatnsdal.