Jökulsá á Fjöllum, eitt mesta fljót landsins og önnur lengsta áin, 206km. Stærsta vatnasvið nokkurs vatnsfalls á Íslandi, um 8.000 km2. Kemur undan Vatnajökli í þremur meginkvíslum, Kverká, Kreppu og Jökulsá.
Jökulsá fellur í Öxarfjörð um marga fossa, mestur þeirra er Dettifoss.
Brúin við Grímsstaði var byggð 1946–47, lengd 102 m. Í hlaupinu úr Kreppu í ágúst 1999 brast varnargarðurinn við Jökulsárbrúna og Hringvegurinn fór í sundur.