Kálfshamarsvík, lítil vík, norðan að henni Kálfshamarsnes. Upp úr aldamótunum 1900 reis þar upp útgerð og nokkur byggð, fólksfjöldi þar ásamt með næstu bæjum var þar um 100 manns en á kreppuárunum dróst byggðin saman og fór að mestu í eyði um 1940. Þar er fagurt stuðlaberg. Fræðsluskiltum, með nöfnum bygginga og ábúenda og margs konar öðrum fróðleik, hefur verið komið fyrir í Víkinni. Skiltin hvíla á stuðlabergsdröngum.