Lagarfljót, innri hluti myndar um 35 km langt hyldjúpt stöðuvatn sem snemma á 20. öldinni var nefnt Lögurinn. Mesta staðfesta dýpi er 112 m, en óstaðfestar mælingar sýna yfir 170 m djúpar gjár nærri Vallanesi. Breiðast er það 2,5 km. og flatarmál 53 km2. Gasuppstreymi er þar á nokkrum stöðum. Lítils háttar silungsveiði. Miklar þjóðsagnir eru af skrímsli er þar eigi heima, Lagarfljótsorminum. Skammt innan við brúna sleppir stöðuvatninu en hið eiginlega Lagarfljót tekur við vatnsmikið og víðast lygnt. Nokkur vöð voru á því. Lagarfljót er sýslumörk Norður– og Suður–Múlasýslna út fyrir Eiða.