Langavatn, um 5 km og allt að 36 m djúpt, er stíflað uppi af hraunum þar sem Langá fellur úr því. Í vatninu er silungsveiði. Þar er sæluhús og veiðikofi. Um aldamótin 1900 hafði franski baróninn C.G. Boilleau veiðiréttinn á leigu, sá sem var með niðursuðu á laxi á Hvítárvöllum og fjós við Barónstíg í Reykjavík sem kenndur er við barón þennan. Um baróninn og örlög hans ritaði Þórarinn Eldjárn (f.1949) bókina Baróninn, skáldsaga, sem kom út árið 2004.