Möðrudalsfjallgarðar, vestri og eystri eru tveir móbergshryggir allbrattir og gróðurlitlir ýmsir hnjúkar þeirra eru 750–850 m háir, hæst Geitafell 851m. Milli fjallgarðanna er flöt sandslétta, Geitasandur. Af brún vestari fjallgarðsins er geysivíð útsýn um sléttuna hjá Möðrudal, vestur til Herðubreiðar og suður til Vatnajökuls. Eldri akvegurinn um Heiðina lá um Möðrudalsfjallgarða. Veginum er enn vel við haldið en ekki ruddur að vetrum.