Skeiðará, ein af vatnsmestu jökulám á Íslandi, kemur undan austanverðum Skeiðarárjökli, löngum illfær á sumrum og var talið torvelt að brúa hana. Æsileg hlaup, sem talin eru eiga upptök í eldstöðvunum Grímsvötnum í Vatnajökli koma í hana á fárra ára fresti. Í Skeiðarárhlaupinu 1934 varð áin 9 km breið og vatnsmegin hennar áætlað 64 þús m3/sek. Skeiðará var brúuð 1973–74. Brúin er 904 m á lengd og lengsta brú á Íslandi. Við brúna var hringvegur um Ísland hátíðlega opnaður 14. júlí 1974.