Endalausidalur, þröngur dalur og opinn í báða enda, liggur frá Efra–Firði til Laxárdals. Ár falla til beggja enda og í dalnum er snjóflóða– og skriðuhætta. Afdalur frá honum heitir Loklausidalur. Annar afdalur er Slaufrudalur. Milli hans og Endalausadals er stærsti berghleifur úr djúpbergi sem kunnur er hér á landi, er hann um 10 km2 á yfirborði og úr graníti. Þar er Bleikitindur, 615 m.