Snæfell, 1833 m og hæsta fjall landsins utan Vatnajökuls. Fjallið sést víða að, útsýn af því að sama skapi mikil. Gamalt eldfjall og snævi hulið hið efra. Íbúar á Fljótsdalshéraði segja að þegar bjart sé yfir Snæfelli að kvöldi bregðist ekki gott veður daginn eftir. Vestan undir Snæfelli, hefur Ferðafélag Fljótsdalshéraðs reist skála. Frá Kárahnjúkavegi er góður bílvegur að Snæfellsskála. Umhverfi Snæfells og vestur um Kringilsárrana er aðalheimkynni hreindýranna. Ferðafélag Fljótsdalshéraðs hefur stikað gönguleiðir í nágrenni Snæfells. Gott göngukort fæst víða.