Seltjörn og Sólbrekkur, útivistarsvæði í landi Reykjanesbæjar. Silungi hefur verið sleppt í Seltjörn og seld veiðileyfi. Í Sólbrekkum er útigrill og leiktæki fyrir börn. Eitt af framtíðarútivistarsvæðum Voga er við Háabjalla og Snorrastaðatjarnir. Þangað liggur göngustígur frá Vogum undir Reykjanesbrautina. Hæstu trén við Háabjalla eru um 15 m há. Allar tjarnirnar eru í sigdældum og skógarreitirnir báðir í skjóli undir háum misgengisveggjum.