Rauðanes, alllangt nes með sæbröttum hömrum austan Viðarfjalls. Fugl verpir þar í björgum og úti fyrir nesinu standa sérkennilegir drangar í sjó, Stakkar. Fremsti hlutinn af nestánni, Stakkatorfa, hefur klofnað frá og eru þar göng undir sem hægt er að fara um á smábáti í góðu veðri. Rauðanesið er einstök náttúruperla. Þar er merkt 7 km löng gönguleið þar sem gefur að líta sérstæða hella, dranga og gatakletta ásamt fjölskrúðugu fuglalífi.