Þóroddsstaður, bær og kirkjustaður og prestssetur til 1905. Síðastur prestur þar var Sigtryggur Guðlaugsson (1862–1959), sem síðar fluttist að Núpi í Dýrafirði og stóð þar fyrir stofnun og rekstri héraðsskóla ásamt bróður sínum Kristni (1868–1950). Árið 1984 var hafist handa við byggingu nýrrar kirkju og var hún vígð 1988. Margt góðra muna er þar að finna. Altaristafla er úr gömlu kirkjunni máluð af Sveinunga Sveinungasyni úr Kelduhverfi. Í kirkjunni er stórt pípuorgel. Predikunarstóll frá 1791 sem var í gömlu kirkjunni er nú á safni, áður í Reykjahlíðarkirkju.