Hraundrangi, tindur er gnæfir upp úr skörðóttri hamrabrík milli Öxnadals og Hörgárdals, 1075 m.
Þjóðsagan segir að þar sé geymdur peningakútur. Þrír fjallagarpar, Nicholas Clinch frá Bandaríkjunum, Sigurður S. Waage og Finnur Eyjólfsson úr Reykjavík, klifu Dranga sumarið 1956. Áður var hann talinn ókleifur með öllu. Síðan hafa fleiri menn klifið Dranga.
Átta Akureyringar náðu árið 2003 að standa á toppnum í einu með því að haldast í hendur.