Illugastaðir, góð varpjörð o.fl. hlunnindi. Þar var Natan Ketilsson myrtur 1828 ásamt Pétri Jónssyni. Þeir voru myrtir af Agnesi og Friðriki, sjá Katadal hér að ofan. Natan fékkst við lækningar og var smiður góður. Rústir smiðju hans sjást enn á staðnum. Kvikmyndin Agnes byggir á þessum atburðum. Sjá Þrístapar, s. 65. Á Illugastöðum hefur verið byggður upp selaskoðunarstaður, þar sem hjólastólafær göngustígur liggur frá bílastæði að sjó. Selaskoðunarstaðurinn er lokaður til 20. júní vegna friðaðs æðarvarps. Á Illugastöðum er einnig tjaldsvæði og salernisaðstaða.