Mjóifjörður, langur og mjór, gyrtur háum fjöllum sem til beggja handa enda í hamraflugum Nípu og Skálanesbjargs. Nokkrar gönguleiðir um fjallaskörð til Norðfjarðar og Seyðisfjarðar. Engin byggð sunnan fjarðar né fyrir botni hans. Áður var fjölbýlt, íbúar flestir 412 árið 1902, en nú búa aðeins 40 manns í Mjóafirði öllum. Lítilsháttar silungsveiði í Fjarðará. Áætlunarferðir á milli Mjóafjarðar og Norðfjarðar allt árið. Þar er kirkja, skóli, tjaldsvæði, gisting og kaffisala. Víða góð berjalönd, krækiber, bláber og aðalbláber. Löngum nokkur fiskur í firðinum og fuglalíf á landi og sjó. Saga Mjóafjarðar er viðburðarík. Þjóðsögur fylgja ýmsum örnefnum, kunnust sagan um Mjóafjarðarskessuna í Prestagilinu.