Múlakot, fagrir trjágarðar, hinn elsti gerður af Guðbjörgu Þorleifsdóttur (1870–1958). Þar var reist fyrsta gróðrarstöð Skógræktar ríkisins á Suðurlandi árið 1935 og er þar nú merkilegt trjásafn með fágætum trjátegundum. Er þar m.a. að finna hæstu álma og blæaspir á Ísland og myndarlega aska og hlyni. Þá skiptast alaskaaspir í Múlakoti á við aspir á Hallormsstað um að vera hæstu tré landsins, rúmlega 24 metrar árið 2006. Útsýn mikil og fögur. Hér bjó Ólafur Túbals (1897–1964) listmálari, sonur Guðbjargar. Upplýsingaskilti um plöntur hafa verið sett upp víðs vegar um Múlaholtsskóg. Þjóðskógur.