Ögur, stórbýli fyrr og nú, höfðingjasetur og kirkjustaður. Í kirkjunni nokkrir gamlir munir.
Þar var seint á 19. öld reist eitt stærsta íbúðarhús í sveit á Íslandi og stendur enn, nú í eigu Landsbanka Íslands og nýtt sem sumarhús starfsmanna.
Þar var reist fyrsta rafstöð á sveitabæ við Ísafjarðardjúp árið 1926.
Kunnastir ábúenda í Ögri eru þeir Björn Guðnason (d. 1518) er átti mjög í deilum við kirkjuvaldið, Magnús Jónsson prúði (um 1525–91) og Ari sonur hans (1571–1652), sýslumenn og héraðshöfðingjar.
Í Ögurnesi var allmikil verstöð fram til 1945.