Fjall, eyðikot undir vesturhlíðum Fells í Sléttuhlíð, fæðingarstaður Sölva Helgasonar (1820–95) eða Sólonar Islandus eins og hann kallaði sig. Landsþekktur flakkari og sat í fangelsi í Kaupmannahöfn fyrir vegabréfafals. Sölvi var listrænum gáfum gæddur; drátthagur, teiknaði og málaði með vatnslitum og eftir hann liggja fjölmörg handrit með frásögnum og hugleiðingum. Sölvi er fyrirmynd Davíðs Stefánssonar í sögu hans Sólon Íslandus. Í Lónkoti í Sléttuhlíð er minnisvarði um Sölva, reistur 1995.