Langavatnsdalur, innan Langavatns. Þar var byggð á landnámsöld en síðan afréttur og nautaganga fram á miðja 19. öld, þegar nautin drukknuðu öll í vatninu. Býli var reist þar í byrjun 19. aldar en endaði með skelfingu þegar bóndinn varð úti við að sækja eld til næsta bæjar og dóttirin á bænum varð vís að því að stela hrossi úr Hörðudal til matar. Um Langavatnsdal lá leið um Sópandaskarð og Laugardal til Hörðudals, mikið farin fyrr á öldum, t.d. á Sturlungaöld.