Leirá, kirkjustaður, fornt höfðingjasetur við samnefnda veiðiá.
Meðal merkismanna er þar bjuggu má nefna Árna Oddsson (1592–1666) lögmann, Odd Sigurðsson (1681–1741) lögmann, Magnús Gíslason (1704–66) amtmann, feðgana Ólaf Stephensen (1731–1812) stiftamtmann og Magnús Stephensen (1762–1833) konferensráð og loks Jón Thoroddsen (1818–68) skáld og sýslumann.
Magnús Stephensen hafði prentsmiðju á næsta bæ, Leirárgörðum, frá 1795–1814, var hún þá flutt til Beitistaða. Árið 1819 flutti hann prentsmiðjuna svo til Viðeyjar.
Þegar Alþingi var endurreist þótti nauðsynslegt að greiður aðgangur væri að prentsmiðju og 1844 var prentsmiðjan því flutt til Reykjavíkur.
Á Leirá er jarðhiti og löngum baðlaug fyrrum. Nú er þar grunnskóli, Heiðarskóli, fyrir syðstu hreppa Borgarfjarðarsýslu, félags– og íþróttaheimilið Heiðarborg og sundlaug.
Hot springs, swimming pool, school and community centre.