Snæhvammur, ysti bær í Breiðdal að norðan. Leiðin þangað frá Hvalnesi í Stöðvarfirði nær óslitnar skriður, Kambaskriður nyrst, Hvalnesskriður á milli og Færivallaskriður nærst. Snæhvammstindur 861 m. Hjá Snæhvammi hefur fundist kuml með mjög fornum gripum, taldir a.m.k. Þúsund ára gamlir ef ekki eldri. Þeir eru nú geymdir í þjóðminjasafni. Á seinni hluta 18. aldar var ísbjörn drepinn við bæjardyrnar í Snæhvammi eftir að hafa elt mann sem var að koma gangandi frá Stöðvarfirði. Árið 1940 sprakk tundurdufl í fjörunni undan bænum og olli tjóni. Bærinn var fluttur fyrir mörgum árum vegna snjóflóðahættu en sandfok herjar á hann nú.