Þórisdalur, eyðibýli í Lóni. Þar bjó Þórður Þorkelsson Vídalín (um 1661– 1742), mikill lærdómsmaður, læknir og náttúrufræðingur. Samdi ágætt rit um jökla, einstætt á þeim tíma. Kom það út á þýsku árið 1754 en var gefið út í íslenskri þýðingu til heiðurs Jóni Eyþórssyni árið 1965. Þjóðsagan segir að Þórður hafi getað snúið draugum aftur til að gera þeim er sendu þá öðrum til skaða það sama er þeir voru sendir til, og var svo vitur frá sér að væri hann í Þórisdal vissi hann draug sem kom upp Almannaskarð og var sendur að Stafafelli. Tók hann þá frískan hest sem hann átti og var kominn í bæjardyr á Stafafelli þegar draugsi kom þar og rak hann erindislausan til baka. Það fylgir einnig í sögnum um Þórð að hann hafi ekki gert mýflugu illt með galdri, því síður veglegri skepnu, þótt hann kynni níu aðferðir hans. Frá Þórisdal liggur jeppaslóð yfir Skyndidalsá og Kjarrdalsheiði til Illakambs.