Galtastaðir fram í Hróarstungu. Þar er lítill torfbær frá 19. öld. Í bænum er fjósbaðstofa, reist 1882 af Jóni Magnússyni snikkara, þar sem niðri er fjós en baðstofa er uppi yfir og nýttist ylurinn frá kúnum til húshitunar. Áður mun hafa verið tvíbýlt á jörðinni og stóðu þá tvær baðstofur að baki núverandi húsa. Hluti af húsasafni Þjóðminjasafns Íslands frá 1976. Útihús eru víða uppistandandi og fátt sem bendir til þess að nútíminn hafi haldið innreið sína á svæðið. Steindrangar í Álftavatni heita Gullsteinar, og segja sögur að að landnámsmaðurinn Galti hafi komið gullkistum sínum þar fyrir og ennfremur að ekki megi hrófla við kistunum því annars muni bærinn á Galtastöðum brenna.