Héraðsvötn, eitt af stórfljótum landsins, jökulá sem á upptök í Hofsjökli í mörgum kvíslum, fellur í tveim meginkvíslum, Eystri– og Vestari–Jökulsá, norður hálendið og um Skagafjarðardali.
Eftir að þær sameinast heita þær Héraðsvötn, þau klofna á ný um Hegranes og falla í tveimur kvíslum til sjávar.
Brú á Vesturósi, byggð 1926, 113 m löng, var þar áður ferjustaður og lengi ferjumaður þar Jón Ósmann (1862–1914).
Ferjumannsskýli sem þarna stóð við eystri brúarsporðinn á Furðuströndum hefur verið byggt upp. Þar hefur verið komið fyrir upplýsingaskilti og þaðan er göngustígur að skýlinu.
Gamla brúin var endurgerð í upprunalegri mynd og bæði öku– og göngufær.
Ný brú sem liggur nokkru sunnar við gömlu brúnna var tekin í notkun 1994.